AQShning Jorjiya shtati, Guinnett okrugi politsiya xodimi nafas olishdan to‘xtagan bola hayotini saqlab qoldi. Xodimning kiyimiga o‘rnatilgan kameraga muhrlangan video WCAX-TV telestansiyasining saytida e’lon qilingan.
Ma’lum qilinishicha, Zakiya Uilyams uyga qaytayotganida yo‘l chetiga borib to‘xtatgan mashinani payqagan. Mashina oynalari tushirilib, signal chalingan, ichkaridan baqirgan ovoz eshitilgan.
Er-xotin qizi nafas olmayotgani sabab baqirayotgan bo‘lgan. Yordamga shoshilgan Uilyams uch haftalik bolani qo‘lga olib, o‘pka-yurak reanimatsiyasini amalga oshirgan. Xodimining tezkor harakati bilan chaqaloq nafas olishni boshlagan.
Ota-ona bolani shifoxonaga olib borgan va uning ahvoli yaxshilangan.
Yetti yil davomida huquqni muhofaza qilish tashkilotida faoliyat olib borgan Uilyams voqea yuz berishidan ikki hafta avval politsiyaning maktab inspektori lavozimiga tayyorlangan. “Asosiysi — jamiyatga xizmat qilish. Men o‘z burchimni bajardim deb hisoblayman”, — degan xodim.
Mavzuga doir:
- Amerikalik sobiq jinoyatchi uni hibsga olgan politsiya xodimining hayotini saqlab qoldi (video)
- Amerikada tez yordam xodimlari o‘lik deb topgan qiz dafn qilinishidan avval ko‘zini ochdi
- Portugaliya prezidenti cho‘kayotgan ikki qizni qutqarib qoldi
- Fransiyada 841 marta politsiyaga qo‘ng‘iroq qilib, xodimlarni haqorat qilgan yigit hibsga olindi
Izoh (0)