Флоридада Билли Кей исмли стоматолог коронавирус пандемияси даврида вирус ва бошқа микробларнинг тортга тушиш хавфисиз унинг устидаги шамларни пуфлаб ўчириш усулини ўйлаб топди. У туғилган кун эгасининг меҳмонлари ўз соғлиғидан хавотирланмасликлари учун десертлар учун махсус ғилофни ўйлаб топди, деб хабар беради Today.
Биллининг сўзларига кўра, у 30 йилга яқин шамларни пуфлашда тушадиган сўлак зарраларидан тортларни ҳимоя қилишнинг турли усуллари ҳақида ўйлаб келган. Пандемия бошлангач микроблардан қўрқиб қолган одамлар сони кўпайган, шу сабабли стоматолог ўз ғоясини амалга оширишга қарор қилган.
Пластик ғилоф байрам шамларни мустаҳкам ушлайдиган қопқоқни ўз ичига олади. Кей уч турдаги «қалқон»ларни чиқаради: бир бўлак торт учун алоҳида (4,99 доллар), шунингдек, баланд ва диаметри катта тортлар учун (14,99 доллар). Instagram’даги видеодан кўриш мумкинки, у тўртбурчак контейнерларни ҳам ясамоқда.
https://www.instagram.com/p/CGlORcTnXn5/?utm_source=ig_embed&utm_campaign=loading
Today мутахассислар орасида сўров ўтказиб, бу каби ғилофлар ростдан ҳам вируснинг торт юзасига тушишидан ҳимоя қилишини тасдиқлади. Шу билан бирга, уларнинг айтишича, вируснинг шамни пуфлаётган туғилган кун эгасининг ёнидаги одамга юқиш эҳтимоллиги юқори.
Изоҳ (0)