“Liverpul” himoyachisi Virjil van Deyk o‘ng oyoq tizza qismidan olgan jarohati tufayli operatsiya qilinadi. Bu haqda klub matbuot xizmatida xabar berildi.
Liverpuldagilar hozircha 29 yoshli niderlandiyalik futbolchining tikalanish vaqti haqida ma’lumot bermagan. Jarohat jiddiy ekanligini hisobga olib, van Deyk mavsumning qolgan qismini o‘tkazib yuborish ehtimoli ham kattaligi aytilmoqda.
Eslatib o‘tamiz, Virjil Angliya chempionatining 5-turi doirasida o‘tkazilgan “Everton”ga qarshi bahsning (2:2) 11-daqiqasida raqib posboni Jordan Pikford bilan to‘qnashib ketgan holda jarohat olgan va shundan so‘ng almashtirilgandi.
Ma’lumot uchun, “Liverpul” Virjil van Deykni 2018-yil yanvarida 84,5 million yevro evaziga “Sauthempton” klubidan sotib olgandi. Niderlandiyalik futbolchi Mersisayd klubi safida hozirga qadar 90 ta o‘yinda qatnashib, 9 ta gol urishga erishdi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)