Boks bo‘yicha uchta divizion sobiq chempioni Vasiliy Lomachenko (14-2, 10 KO) Teofimo Lopesga (16-0, 12 KO) qarshi jangdagi hakamlar qaroridan norozi bo‘ldi.
“Bilmadim, menga jangning birinchi yarmi teng kurashlar ostida o‘tgandek tuyuldi. Balki, u 1-2 raundni o‘z foydasiga hal qilgandir, biroq jangning ikkinchi yarmida faollikni oshirdim.
O‘ylashimcha, jangning ikkinchi yarmini o‘z foydamga hal qildim. Uyga borib, jangni ko‘rib chiqmoqchiman, biroq hakamlar qaroriga qo‘shilmayman.
G‘olib bo‘ldim deb o‘ylagandim, ammo natija boshqacha bo‘ldi. Promouter va menejerim bilan gaplashib olamiz, shundan keyin bir qarorga kelamiz”, — deydi Lomachenko.
12 raund davom etgan jangda hakamlar Lopesni g‘olib deb topdi. Shu tariqa amerikalik sportchi WBA, WBO, IBF va WBC Franchise kamarlariga ega chiqdi.Statistikaga ko‘ra, ukrainalik bokschi raqibiga qaraganda deyarli ikki barobar kam zarba yo‘llagan, biroq aniq berilgan berilgan zarbalar borasida ustunlikka ega bo‘ldi.
Jangning to‘liq videosini bu yerda tomosha qilish mumkin — havola.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)