“Tottenhem” Angliya Premyer Ligasining 5-turidan o‘rin olgan bahsda “Vest Hem” bilan durang o‘ynadi (3:3).
Joze Mourinyo shogirdlari 16-daqiqaga kelib hisobni 3:0 ko‘rinishiga keltirib qo‘ygandi. Biroq jamoa so‘nggi 12 daqiqa ichida uchta to‘p o‘tkazib yuborib, g‘alabani qo‘ldan chiqardi.
Shu tariqa “shporlar” Premyer Liga doirasidagi so‘nggi 88 o‘yinda ilk bor uchta to‘p farqiga ega bo‘la turib g‘alaba qozona olmadi.
So‘nggi bor “Tottenhem” 2001-yilda “Manchester Yunayted”ga 3:5 hisobida yutqazib, shu kabi ustunlikni qo‘ldan chiqargandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)