ПСЖ Мбаппега 5 йил учун 150 млн евро тўлашга тайёр. Футболчига «Реал» қизиқиш билдирмоқда

ПСЖ жамоа ҳужумчиси Килиан Мбаппени ўз сафида олиб қолишни хоҳламоқда. Клуб футболчига янги шартнома таклиф ҳам қилди, деб ёзмоқда АС.

Парижликлар 21 ёшли Мбаппега янги 5 йиллик келишув таклиф қилган. Унга кўра, Килианнинг йиллик маоши 30 миллион еврони ташкил этади. Мбаппе ҳозирча ушбу таклифга жавоб бермаган. Футболчига яқин манбаларга кўра, ҳозирда Килиан «Реал»га кўчиб ўтиш ҳақида ўйламоқда. Қайд этиш жоиз, мадридликлар президенти Флорентина Перес ҳам Мбаппенинг хизматларига шахсан қизиқиб қолган ва ушбу трансферни клуб учун стратегик аҳамиятга эга деб ҳисобламоқда.

Мбаппенинг ПСЖ билан амалдаги келишув 2022 йил ёзига қадар амалда бўлади. Футболчининг трансфери эса 180 миллион еврога баҳоланмоқда.

Маълумот учун, Мбаппе 2017 йилнинг ёзидан бери ПСЖда тўп сўради. Париж клуби унинг трансфери учун 145 миллион евро сарфлаганди. Декабрь ойида 22 га тўладиган Мбаппе 2019/20 йилги мавсумда Франция чемпионатининг 20 та учрашувида майдонга тушиб, 18 гол ва 5 та голли узатмага муаллифлик қилди.