Futbol bo‘yicha Millatlar Ligasining 4-turidan o‘rin olgan so‘nggi uchrashuvlar 14-oktabr, chorshanba kuni bo‘lib o‘tdi.
Turning markaziy o‘yinlaridan biri Italiya va Niderlandiya terma jamoalari o‘rtasida kechdi. Uchrashuvning 16-daqiqasida Lorenso Pellegrini italiyaliklarni oldinga olib chiqqan bo‘lsa, 25-daqiqada Donni van de Bek muvozanatni tiklashga erishdi. Mana shu hisob o‘yin yakuniga qadar saqlanib qoldi
Guruhning ikkinchi o‘yinida Polsha terma jamoasi o‘z uyida Bosniya va Gersegovinani qabul qildi. 15-daqiqadayoq bir o‘yinchi kam bo‘lib qolgan mehmonlar o‘z darvozasidan uchta to‘p olib chiqdi. O‘yinda Robert Levandovski dublga erishdi.
Shu tariqa Polsha mazkur g‘alabadan keyin ochkolarini 7 taga yetkazib oldi va birinchi o‘ringa ko‘tarildi. Italiya hisobida 6 ochko, niderlandlarda esa 5 ochko bor.
Angliya terma jamoasi “Uembli”da Daniyani qabul qildi. Uchrashuvning 32-daqiqasida daniyaliklar futbolchisiga nisbatan o‘ta qo‘pol harakat qilgan Harri Maguayr ikkinchi sariq kartochkasini olib maydonni tark etdi. Oradan ko‘p o‘tmay Kristian Eriksen uchrashuv taqdirini hal qilgan golga muallif bo‘ldi.
Guruhning ikkinchi o‘yinida Belgiya terma jamoasi Islandiya uyida mehmon bo‘ldi. Romelu Lukakuning dubli “qizil iblislar”ga uch ochko taqdim etdi.
Bu g‘alabadan keyin Belgiya 9 ochko bilan guruh peshqadamiga aylandi. Daniya 7 ochko bilan xuddi shuncha ochkoga ega Angliyani ortda qoldirib, ikkinchi pog‘onaga joylashdi. Islandiyaning (0) esa muddatidan avval B Ligaga ravona bo‘lish ma’lum bo‘ldi.
Millatlar Ligasi
4-tur bahslari
14-oktabr, chorshanba
Italiya — Niderlandiya 1:1
Gollar: 1:0 – 16 Pellegrini, 1:1 – 25 van de Bek.Italiya: Donnarumma, Spinatssola, D`Ambrozio, Kyellini, Bonuchchi, Barella, Jorjinyo, Pellegrini (Florensi, 72), Verratti (Lokatelli, 56), Kyeza (Kin, 55), Immobile.
Niderlandiya: Sillessen, Hatebur, van Deyk, Ake, Blind (Veltman, 77), de Yong, van de Bek, Veynaldum, de Vrey, de Yong, Depay (Babel, 90).
Ogohlantirishlar: Verratti (23), D`Ambrozio (80), Kin (90).
Polsha — Bosniya va Gersegovina 3:0
Gollar: 1:0 – 40 Levandovski, 2:0 – 45 Linetti, 3:0 – 52 Levandovski.Angliya — Daniya 0:1
Gol: 0:1 – 35, penalti Eriksen.Angliya: Pikford, Jeyms, Uoker, Koudi, Meytlend-Naylz (Mingz, 36), Rays (Henderson, 76), Fillips, Maunt (Sancho, 73), Maguayr, Keyn, Reshford (Kelvert-Lyuin, 72).
Daniya: Shmeyxel, Vass, Kyer, Kristensen (Yorgensen, 46), Heyberg (Yensen, 88), Dileyni, Eriksen, Skov (Mele, 46), Dolberg (Sisto, 37), Poulsen, Breytueyt (Vestergor, 74).
Ogohlantirishlar: Maguayr (5), Kristensen (38), Heybyerg (45), Henderson (85), Fillips (86).
Chetlatish: Maguayr (31).
Islandiya — Belgiya 1:2
Gollar: 0:1 – 9 Lukaku, 1:1 – 17 Sayvarsson, 1:2 – 38, penalti Lukaku.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)