Madridning “Real” klubi sardori Serxio Ramos mavsum yakunida jamoasini tark etishi mumkin.
El Chiringuito’ning xabar qilishicha, futbolchiga “Yuventus” va PSJ jamoalaridan qiziqish bor. Turin va Parij klublari Ramosning “Real”dagi vaziyatini diqqat bilan kuzatmoqda. Ular imkon tug‘ilishi bilan taklif bilan chiqishga tayyor.
Eslatib o‘tamiz, Ramosning madridliklar bilan amaldagi shartnomasi 2020/21-yilgi mavsum oxirida o‘z nihoyasiga yetadi. Tomonlar hali ham kelishuvni uzaytirgani yo‘q. Agar bu holat davom etadigan bo‘lsa, Serxio yanvar oyidan boshqa klublar bilan muzokara o‘tkazish huquqiga ega bo‘ladi.
Avvalroq Ramos “Real” bilan yangi shartnoma imzolash uchun maoshining kamayishiga ham rozi ekanini ma’lum qilgandi. Hozirda futbolchi yiliga 11,7 million yevro maosh oladi.
Ramos 2005-yildan buyon “Qirollik klubi”da to‘p surib keladi. Madrid klubi sardori jamoa bilan 22 ta sovringa ega chiqqan, ular orasida to‘rtta Chempionlar Ligasi va beshta La Liga bosh sovrini ham bor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)