Футбол бўйича Миллатлар Лигасининг 4-туридан ўрин олган сўнгги учрашувлар 14 октябрь, чоршанба куни бўлиб ўтди.
Турнинг марказий ўйинларидан бири Италия ва Нидерландия терма жамоалари ўртасида кечди. Учрашувнинг 16-дақиқасида Лоренцо Пеллегрини италияликларни олдинга олиб чиққан бўлса, 25-дақиқада Донни ван де Бек мувозанатни тиклашга эришди. Мана шу ҳисоб ўйин якунига қадар сақланиб қолди
Гуруҳнинг иккинчи ўйинида Польша терма жамоаси ўз уйида Босния ва Герцеговинани қабул қилди. 15-дақиқадаёқ бир ўйинчи кам бўлиб қолган меҳмонлар ўз дарвозасидан учта тўп олиб чиқди. Ўйинда Роберт Левандовски дублга эришди.
Шу тариқа Польша мазкур ғалабадан кейин очколарини 7 тага етказиб олди ва биринчи ўринга кўтарилди. Италия ҳисобида 6 очко, нидерландларда эса 5 очко бор.
Англия терма жамоаси «Уэмбли»да Данияни қабул қилди. Учрашувнинг 32-дақиқасида данияликлар футболчисига нисбатан ўта қўпол ҳаракат қилган Ҳарри Магуайр иккинчи сариқ карточкасини олиб майдонни тарк этди. Орадан кўп ўтмай Кристиан Эриксен учрашув тақдирини ҳал қилган голга муаллиф бўлди.
Гуруҳнинг иккинчи ўйинида Бельгия терма жамоаси Исландия уйида меҳмон бўлди. Ромелу Лукакунинг дубли «қизил иблислар»га уч очко тақдим этди.
Бу ғалабадан кейин Бельгия 9 очко билан гуруҳ пешқадамига айланди. Дания 7 очко билан худди шунча очкога эга Англияни ортда қолдириб, иккинчи поғонага жойлашди. Исландиянинг (0) эса муддатидан аввал Б Лигага равона бўлиш маълум бўлди.
Миллатлар Лигаси
4-тур баҳслари
14 октябрь, чоршанба
Италия — Нидерландия 1:1
Голлар: 1:0 – 16 Пеллегрини, 1:1 – 25 ван де Бек.Италия: Доннарумма, Спинаццола, Д`Амброзио, Кьеллини, Бонуччи, Барелла, Жоржиньо, Пеллегрини (Флоренци, 72), Верратти (Локателли, 56), Кьеза (Кин, 55), Иммобиле.
Нидерландия: Силлессен, Ҳатебур, ван Дейк, Аке, Блинд (Велтман, 77), де Йонг, ван де Бек, Вейналдум, де Врей, де Йонг, Депай (Бабел, 90).
Огоҳлантиришлар: Верратти (23), Д`Амброзио (80), Кин (90).
Польша — Босния ва Герцеговина 3:0
Голлар: 1:0 – 40 Левандовски, 2:0 – 45 Линетти, 3:0 – 52 Левандовски.Англия — Дания 0:1
Гол: 0:1 – 35, пенальти Эриксен.Англия: Пикфорд, Жеймс, Уокер, Коуди, Мэйтленд-Найлз (Мингз, 36), Райс (Ҳендерсон, 76), Филлипс, Маунт (Санчо, 73), Магуайр, Кейн, Рэшфорд (Кэлверт-Льюин, 72).
Дания: Шмейхель, Васс, Кьер, Кристенсен (Йоргенсен, 46), Ҳейберг (Йенсен, 88), Дилэйни, Эриксен, Сков (Меле, 46), Дольберг (Систо, 37), Поульсен, Брэйтуэйт (Вестергор, 74).
Огоҳлантиришлар: Магуайр (5), Кристенсен (38), Ҳейберг (45), Ҳендерсон (85), Филлипс (86).
Четлатиш: Магуайр (31).
Исландия — Бельгия 1:2
Голлар: 0:1 – 9 Лукаку, 1:1 – 17 Сайварссон, 1:2 – 38, пенальти Лукаку.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)