Transfermarkt portali 2020-yil oktabr holatiga ko‘ra, futbolchilar transfer qiymati bo‘yicha eng qimmat chempionatlar reytingini e’lon qildi.
Unda Angliya Premyer Ligasi ro‘yxat yetakchiligini qo‘lga olgan. APL futbolchilari jami 8,9 milliard yevroga baholangan. Ikkinchi o‘rinda A Seriya (5,1 mlrd yevro) qayd etilgan bo‘lsa, La Liga (5 mlrd yevro) kuchli uchlikni yakunlab bergan.
E’tiborlisi, kuchli beshlik ligalaridan keyingi o‘rinni Angliyaning ikkinchi divizioni hisoblanmish Chempionship egallab turibdi. Shuningdek, Braziliya chempionati kuchli o‘nlikda Yevropadan bo‘lmagan yagona liga bo‘lib turibdi.
Dunyoning eng qimmat futbol ligalari top-10 ligi:
- Premyer Liga (Angliya) — 8,9 milliard yevro;
- A Seriya (Italiya) — 5,1 mlrd yevro;
- La Liga (Ispaniya) — 5 mlrd yevro;
- Bundesliga (Germaniya) — 4,3 mlrd yevro;
- Liga 1 (Fransiya) — 3,5 mlrd yevro;
- Chempionship (Angliya) — 1,2 mlrd yevro;
- Primeyra (Portugaliya) — 1,1 mlrd yevro;
- A Seriya (Braziliya) — 952,5 million yevro;
- Erediviziya (Niderlandiya) — 912,8 mln yevro;
- Premyer Liga (Rossiya) — 879,4 mln yevro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)