UFC sobiq jangchisi Chel Sonnen o‘zining podkastida yengil vazn divizioni chempioni Habib Nurmagomedovni qo‘ng‘iroq qilgani haqida gapirdi.
Menga hozirgina Habib qo‘ng‘iroq qildi va shunday dedi: “Menga Islom Maxachevdan yaqinroq odam yo‘q. Shu sabab shuni aytmoqchiman — agar Maykl Chendler Islomni mag‘lub eta olsa, uni birinchi raqamli da’vogar deb qabul qilaman”.Eslatib o‘tamiz, Maxachevning UFC 254 musobaqasidagi raqibi Rafael dos Anyosda koronavirus aniqlandi va ular o‘rtasidagi jang bekor bo‘ldi. Avvalroq Islom 24-oktabr kungi musobaqada Chendlerga qarshi jang qilishi mumkinligi aytilgandi. Ayni damda Maykl musobaqa bo‘lib o‘tadigan mamlakat BAAda bo‘lib turibdi.Men javob qildim: “Habib, agar bu gaplarni aytadigan bo‘lsam, seni manba sifatida ko‘rsatishim kerak bo‘ladi”. U muammo yo‘qligini va eng muhimi gaplarini yetkazishimni aytdi.
Qayd etib o‘taman, Habib Chendlerga sovrinli jang va’da qilmadi, biroq Nurmagomedov sovringa munosiblar bilan jang qiladi. Shu sabab u Konor Makgregorga qarshi jang qilishdan bosh tortdi, Habibning fikricha, Konor revanshga munosib emas.
Avvalroq Habib Dastin Poryeni kim yenga olsa o‘sha keyingi da’vogarga aylanishini aytgandi. Chendler Porye bilan jang qilmaydi, ammo unda boshqa imkoniyat paydo bo‘ldi. Habibning yuqoridagi gaplari katta e’lon. Biz buning qanday ahamiyatga ega ekanini bilamiz, Habib — bir so‘zli odam.
Chel Sonnen, MMA sobiq jangchisi
Biroz oldin Maxachev UFC 254 musobaqasida jang qilmasligi aytildi, biroq biroz vaqt o‘tib mazkur xabarlar inkor etildi.
Izoh (0)