Liverpool Echo nashri “Liverpul”ning so‘nggi o‘n yillikdagi, ya’ni klub Fenway Sports Group boshqaruviga o‘tganidan keyingi davrdagi transferlarini baholab chiqdi.
Bu vaqt mobaynidagi 20 ta transferlar oynasida mersisaydliklar jamoasi 800 million funt sarflagan holda, 69 nafar futbolchini o‘z safiga qo‘shib oldi.
Liverpool Echo oltita transferga eng yuqori ballni (10) bergan. Ular: Filippe Koutinyo (“Inter”dan 2013-yilning yanvarida 8,5 mln funt evaziga), Roberto Firmino (“Hoffenhaym”, 2015-yilning yozi, 29 mln), Sadio Mane (“Sauthempton”, 2016-yilning yozi, 30 mln), Muhammad Saloh (“Roma”, 2017-yilning yozi, 36,9 mln), Virjil van Deyk (“Sauthempton”, 2018-yilning yanvari, 75 mln) va Alisson (2018-yilning yozi, “Roma”, 65 mln).
Nashr eng quyi ballni (1) 2014-yilning yozida “Milan”dan 16 million funtga sotib olingan Mario Balotelli transferiga berdi. Shuningdek, Lazar Markovich va Ussama Assaidi transferlari 2 ball olgan.
Nuri Shahin, Yago Aspas, Tiagu Ilori, Adam Bogdan, Luis Alberto va Samed Yeshil transferlari Liverpool Echo’ning 3 balliga loyiq ko‘rilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)