Ajoyib ta’mga ega tovuq qanotchalarini pishirish uchun 30 daqiqa vaqt yetadi. Albatta, bu juda oson. Natija esa kutganingizdan ham a’lo bo‘lishi shubhasiz.
Kerakli mahsulotlar:
- Tovuq qanotchalari – 1 kilogramm;
- O‘simlik yog‘i – 500 ml;
- Un – 100 gr;
- Kashnich − ta’bga ko‘ra;
- Karri ta’bga ko‘ra;
- Sarimsoq ta’bga ko‘ra;
- Tuz va ziravorlar ta’bga ko‘ra;
- Muskat yong‘og‘i ta’bga ko‘ra.
- Tovuq qanotchalari uch bo‘lakka bo‘linib, suyak qismini pishirmaslik ham mumkin. Qolgan go‘shtli bo‘laklar yaxshilab yuviladi. So‘ngra qog‘oz sochiqlar ustiga yoyilib, quritib olinadi. Sababi uning mazali bo‘lib pishishida quruqligi ham rol o‘ynaydi.
- Quritilgan qanotchalarga tuz va ziravorlar sepilib, yaxshilab aralashtiriladi. 15-30 daqiqa davomida tovuq qanotchalari ziravorlarga to‘yinishi uchun qo‘yiladi.
- Bu vaqt mobaynida tovaga o‘simlik yog‘i quyilib, 10-15 daqiqa qizitiladi. Shundan so‘ng qanotchalar unga bulanib, tovaga birin-ketin solinadi. O‘rta olovda 8-10 daqiqa davomida tilla rangga kirguncha qovuriladi.
- Qanotchalar pishgandan so‘ng ular yana bir bora qog‘oz sochiqlar ustiga yoyiladi. Buning sababi qanotchalar tarkibidagi ortiqcha yog‘ni qog‘ozlar shimib oladi.
Izoh (0)