Товада товуқ қанотчаларидан «Burger King» тайёрлаймиз (видео)

Ажойиб таъмга эга товуқ қанотчаларини пишириш учун 30 дақиқа вақт етади. Албатта, бу жуда осон. Натижа эса кутганингиздан ҳам аъло бўлиши шубҳасиз.

Керакли маҳсулотлар:

• Товуқ қанотчалари – 1 килограмм;
• Ўсимлик ёғи – 500 мл;
• Ун – 100 гр;
• Кашнич − таъбга кўра;
• Карри таъбга кўра;
• Саримсоқ таъбга кўра;
• Туз ва зираворлар таъбга кўра;
• Мускат ёнғоғи таъбга кўра.

1. Товуқ қанотчалари уч бўлакка бўлиниб, суяк қисмини пиширмаслик ҳам мумкин. Қолган гўштли бўлаклар яхшилаб ювилади. Сўнгра қоғоз сочиқлар устига ёйилиб, қуритиб олинади. Сабаби унинг мазали бўлиб пишишида қуруқлиги ҳам рол ўйнайди.
2. Қуритилган қанотчаларга туз ва зираворлар сепилиб, яхшилаб аралаштирилади. 15-30 дақиқа давомида товуқ қанотчалари зираворларга тўйиниши учун қўйилади.
3. Бу вақт мобайнида товага ўсимлик ёғи қуйилиб, 10-15 дақиқа қизитилади. Шундан сўнг қанотчалар унга буланиб, товага бирин-кетин солинади. Ўрта оловда 8-10 дақиқа давомида тилла рангга киргунча қовурилади.
4. Қанотчалар пишгандан сўнг улар яна бир бора қоғоз сочиқлар устига ёйилади. Бунинг сабаби қанотчалар таркибидаги ортиқча ёғни қоғозлар шимиб олади.