Oilaning barcha vakili xonim taomini sevib iste’mol qilishi shubhasiz. Shuning uchun dam olish kuni aziz bekajonlar uchun tovuq va sabzavotdan tayyorlanadigan xonim tayyorlashni tavsiya etamiz.
Kerakli mahsulotlar:
- Tovuq – 1 dona;
- Un – 500 gr;
- Kartoshka – 2 dona;
- Qovoqcha (kabachki) – 1 dona;
- Sabzi – 1 dona;
- Piyoz – 1 dona;
- Tovuq filesi – 300 gr;
- Sariyog‘ – 50 gr;
- O‘simlik yog‘i – 1 osh qoshiq;
- Suv – 1 stakan;
- Tuz va ziravorlar ta’bga ko‘ra.
- Suvga tuxum va tuz solib aralashtiriladi.
- Ustidan un va suv solinib, xamir qoriladi. Tayyor bo‘lgan xamir 30 daqiqa tindiriladi. Bu vaqt ichida xamir yanada yumshoq va elastik bo‘ladi.
- Xamir iloji boricha yupqa holda yoyiladi.
- Tovuq filesi hamda tozalangan sabzavotlarning barchasi go‘sht qiymalagichdan o‘tkaziladi va sariyog‘, tuz, ziravorlar bilan aralashtiriladi.
- Yoyilgan xamir yuzasiga aralashma bir tekisda yoyib chiqiladi. Xamir rulet shaklida o‘ralib, chetlari yaxshilab chimchilanadi. Shundagina sabzavotlarning sharbati tashqariga oqmay, xamir ichida qoladi.
- Mantiqasqon pallalari yog‘lanib, tuz, ziravorlar solingan suv bug‘ida bir soat mobaynida pishiriladi.
- Dasturxonga tortishdan avval ko‘katlar bilan bezatiladi.
Izoh (0)