O‘zbekiston Transport vazirligi qoshidagi “Uzautotrans service” MChJ tomonidan 2020-yilning 13-oktabr kunidan Toshkent—Xo‘jayli yo‘nalishida muntazam avtobus qatnovlari yo‘lga qo‘yiladi. Bu haqda vazirlik tomonidan xabar berildi.
Ma’lum qilinishicha, Toshkent—Xo‘jayli yo‘nalishidagi avtobus soat 11:45 da “Toshkent” avtovokzalidan harakatlanishni boshlaydi. Qoraqalpog‘iston Respublikasining Xo‘jayli tumanidan ham avtobus soat 11:45 da Toshkent shahriga qarab yo‘lga chiqadi. Ushbu yo‘nalishda chipta narxi 125 000 so‘m etib belgilangan.
Chiptalarni “Toshkent” avtovokzali kassalaridan, shuningdek, Uztrans.uz yagona interaktiv axborot portali va avtoticket.uz sayti orqali onlayn tarzda sotib olish mumkin. Qo‘shimcha ma’lumotlarni esa +998712078700 raqamidan olish mumkin.
Izoh (0)