Ўзбекистон Транспорт вазирлиги қошидаги «Uzautotrans service» МЧЖ томонидан 2020 йилнинг 13 октябрь кунидан Тошкент—Хўжайли йўналишида мунтазам автобус қатновлари йўлга қўйилади. Бу ҳақда вазирлик томонидан хабар берилди.
Маълум қилинишича, Тошкент—Хўжайли йўналишидаги автобус соат 11:45 да «Тошкент» автовокзалидан ҳаракатланишни бошлайди. Қорақалпоғистон Республикасининг Хўжайли туманидан ҳам автобус соат 11:45 да Тошкент шаҳрига қараб йўлга чиқади. Ушбу йўналишда чипта нархи 125 000 сўм этиб белгиланган.
Чипталарни «Тошкент» автовокзали кассаларидан, шунингдек, Uztrans.uz ягона интерактив ахборот портали ва avtoticket.uz сайти орқали онлайн тарзда сотиб олиш мумкин. Қўшимча маълумотларни эса +998712078700 рақамидан олиш мумкин.
Изоҳ (0)