Shimoliy Koreya Pxenyanda Koreya Ishchi partiyasi tashkil topganligining 75 yilligiga bag‘ishlangan harbiy paradda yangi ICBM ballistik raketasini namoyish qildi, deb xabar bermoqda Reuters.
Ma’lum qilinishicha, KXDR Markaziy televideniyesi efirda har biriga bittadan yangi raketa o‘rnatilgan kamida to‘rtta transportyor namoyish etildi.
Reuters ushbu raketani Shimoliy Koreya tomonidan namoyish etilgan eng katta raketa deb atamoqda. Janubiy Koreyaning Yonhap agentligi yangi raketa 22 g‘ildirakli tashuvchida, bundan avvalgi eng katta raketa – Xvason-15 ICBM esa 18 g‘ildirakli tashuvchida namoyish etilganini ta’kidladi.
Ekspertlarning fikricha, uzunroq raketa uzoqroqqa uchishga qodir. Shimoliy Koreya rasmiylari ilgari aytganidek, Xvason-15 raketasi AQShga yetib bora oladi. Uning taxmin qilinadigan parvoz masofasi 12 874 kilometrni tashkil qiladi. Raketa oxirgi marta 2017-yilning noyabrida uchirilgan edi.
Izoh (0)