Kuk oroli bosh vaziri Mark Braun (Mark Brown) o‘zini barcha vazirliklarning rahbari etib tayinladi va yakunda mamlakat hukumatidagi 17 ta vazirlikning boshqaruvini qo‘liga oldi. Bu haqda mahalliy Cook Islands News gazetasi xabar berdi.
Muxolifat vakili Tina Braun (Tina Browne) hukumat rahbarining ushbu qarorini vazirlar mahkamasidagi hamkasblariga nisbatan ishonchsizlik sabab chiqargan bo‘lishi mumkinligini tushuntirdi. Uning so‘zlariga ko‘ra hukumat rahbari Mark Braun Kuk oroli tarixida “rahbarlik portfellari”ni olish bo‘yicha mutlaq rekordni o‘rnatgan.
Katta miqdordagi yuklama, Yangi Zelandiyadagi siyosatdan kelib chiqib, Braun ayrim rahbarlik lavozimlarini taqsimlashi kutilmoqda. Bosh vazirning o‘zi ham moliya va tashqi ishlar vazirligi rahbarligidan voz kechishi hamda bu ish 2021-yildan avval amalga oshmasligini va’da qilgan.
Kuk oroli — Yangi Zelandiya bilan assosiatsiyalashgan avtonom davlat hisoblanadi. Garchi orol o‘z ichki masalalariga o‘zi javobgar bo‘lsa ham, mudofaa va boshqa davlatlar bilan munosabatlar Yangi Zelandiya hukumati tomonidan amalga oshiriladi;
So‘nggi ma’lumotlarga ko‘ra, Kuk orolida 17 ming nafardan ziyod aholi istiqomat qiladi. Mamlakatda yashovchilarning hammasi — Yangi Zelandiya fuqarolari hisoblanadi, orol rahbari esa — qirolicha Yelizaveta II;
Braun orol hukumatining tepasiga oktabr oyida kelgan. U deyarli 10 yil davomida bosh vazirlik qilgan Ganri Pununi (Henry Puna) almashtirgandi. Avvalgi hukumat rahbari Tinch okeani orollari Forumining bosh kotibi lavozimi uchun kurashishga qaror qildi va hudud nomidan asosiy diplomat sifatida e’tirof qilinadi.
Izoh (0)