Шимолий Корея Пхенянда Корея Ишчи партияси ташкил топганлигининг 75 йиллигига бағишланган ҳарбий парадда янги ICBM баллистик ракетасини намойиш қилди, деб хабар бермоқда Reuters.
Маълум қилинишича, КХДР Марказий телевидениеси эфирда ҳар бирига биттадан янги ракета ўрнатилган камида тўртта транспортёр намойиш этилди.
Reuters ушбу ракетани Шимолий Корея томонидан намойиш этилган энг катта ракета деб атамоқда. Жанубий Кореянинг Yonhap агентлиги янги ракета 22 ғилдиракли ташувчида, бундан аввалги энг катта ракета – Хвасон-15 ICBM эса 18 ғилдиракли ташувчида намойиш этилганини таъкидлади.
Экспертларнинг фикрича, узунроқ ракета узоқроққа учишга қодир. Шимолий Корея расмийлари илгари айтганидек, Хвасон-15 ракетаси АҚШга етиб бора олади. Унинг тахмин қилинадиган парвоз масофаси 12 874 километрни ташкил қилади. Ракета охирги марта 2017 йилнинг ноябрида учирилган эди.
Изоҳ (0)