11-sentabr kuni Rossiyaning Primorye o‘lkasi Tigrovoy qishlog‘i aholisi temiryo‘l platformasida oq it paydo bo‘lganiga e’tibor qaratgan. Oradan bir necha kun o‘tsa ham it vokzaldan ketmagan, deb yozadi Esquire.
Fuqarolar itni ovqatlantirish bilan birga ijtimoiy tarmoq orqali uning egasini qidirishga kirishgan va tarmoqda it “rus Xatikosi” deb atala boshlagan. It haqida, xususan, “Bizning Vladivostok” (“Nash Vladivostok”) nomli guruhda e’lon qoldirilgan. Unda yoqimtoy it 94-platforma bekatida qoldirib ketilgani, mahalliy aholi tomonidan ovqatlantirilishiga qaramay it egasini kutayotgani va hech kim bilan ketmayotgani yozib qoldirilgan.
It vokzalda ikki haftani o‘tkazganidan keyin unga yangi ega topilgan va unga Sodiq (Verniy) laqabi berilgan.
Ism va familiyasini oshkor bo‘lishini istamayotgan itning yangi egasi uni hech kimga, hatto eski xo‘jayini so‘rab kelgan taqdirda ham bermasligini aytgan, deyiladi xabarda.
Mavzuga doir:
- Avstraliyalik oila psixologik muammosi bor itini qo‘llab-quvvatlash uchun antiqa usulni o‘ylab topdi va bu yaxshi natija berdi
- Yaponiyada mushuk uchta it bilan yashaydi va aftidan o‘zini ulardan biri deb o‘ylaydi (foto)
- Instagram’da kiyinish uslubi bilan mashhur bo‘lgan chixuaxua odamlar uchun mo‘ljallangan liboslar kolleksiyasini taqdim qildi
- Angliyalik erkak birovning mashinasi old oynasini urib sindirdi. U bu ishni itni qutqarish uchun qildi (video)
Izoh (0)