Mitta Mitta daryosi bo‘ylab oilasi bilan birga sayrga chiqqan avstraliyalik ayol yugurib yurgan farzandlarini suratga olgan. Uyga qaytib, suratlarni tomosha qilish davomida esa bolalarga yaqin yerda jigarrang ilon sudralib yurganini payqab qolgan.
Ushbu suratni Avstraliyadagi ilon tutish jamiyati Snake Catcher Victoria Australia asoschisi Barri Goldsmit Facebook’da bo‘lishgan. Surat misolida Barri sudralib yuruvchilarga g‘alamislik qilinmasa, ular odamlarga tashlanmasligini ta’kidlagan.
“Ilon odamlar yaqinlashayotganini ko‘rib, ularning o‘tib ketishiga imkon bergan”, – deb yozgan Goldsmit ilonlarga hurmat bilan munosabatda bo‘linsa, ular agressiv emasligini qo‘shimcha qilgan.
Uning so‘zlariga qaraganda, ta’kidlangan xususiyat nafaqat zaharli ilonlar, balki boshqa sudralib yuruvchi oila vakillariga ham taalluqli. Mutaxassis fikricha, ilonlarning tajovuz qilishi ko‘pincha odamlarning qo‘rquvga berilib, ularni o‘ldirmoqchi bo‘lishi oqibatida yuz beradi.
Barri 40 yildan buyon odamlarni har bir tirik jonzot hamda yovvoyi tabiatga hurmat bilan munosabatda bo‘lishga o‘rgatib keladi, deyiladi xabarda.
Izoh (0)