Kristina va Piter 2020-yil 26-sentabr kuni pandemiya davrida Sidneyda turmush qurdi. Ularning ta’sirli suratlarini juftlikning suratkashi Brendan Samuels o‘z Facebook sahifasiga joylashtirdi.
Sidneylik Brendan Samuels 2020-yil 26-sentabr kuni Kristina va Piterning nikoh marosimida ishtirok etdi. Shuningdek, ularning nikoh to‘yi munosabati bilan kadr ortidagi voqealar bilan bo‘lishdi.
COVID-19 cheklovlari tufayli nabirasining to‘yiga borishga ruxsat berilmagan bobo va buvi yashab turgan qariyalar uyida ajoyib voqea sodir bo‘ldi. Kelin-kuyov nikoh marosimidan so‘ng ular yashaydigan qariyalar uyiga tashrif buyurgani tasvirga olindi. Bunday kutilmagan uchrashuvni kelin turmush o‘rtog‘iga sovg‘a sifatida uyushtirdi.
Kelin-kuyovga qariyalar uyidagi bobo va buvisini faqatgina oyna ortidan ko‘rishga ruxsat berildi. Bobo nabirasining nikoh to‘yi kuni kostyum-shim kiyib olgan. Buvi esa kelin-kuyovni tabriklash uchun qizil konvertda sovg‘a tayyorlagan.
Pandemiya haqiqati shundan iboratki, unda kundalik hayotdagi noqulayliklardan tashqari insonlarga yashash uchun kurashni ham o‘rgatadi.
Kristinaning “qariyalar uyiga tashrif” sovg‘asi va ko‘z yoshlarga berilishi hammani hayratda qoldirdi.
“Kelin-kuyovni ko‘rib, suyungan bobo duo qila boshladi, ularning shisha devor ortida nima deganini eshitib bo‘lmasa ham Brendan duoning ijobat bo‘lishiga ishonar edi”.
Xitoy va boshqa Osiyo mamlakatlarida qizil konvert bayramda, to‘yda, bitiruv yoki chaqaloq tug‘ilishi kabi maxsus kunlarda sovg‘a qilinadi.
Uchrashuvning eng achinarli tomoni, bobo va buvining o‘z xonalariga qaytib ketayotgan paytda ro‘y berdi.
“Men Piterga, uning bobosi va buvisiga hamdard bo‘ldim. Bir-ikki lahzada ko‘z yoshlarimni artib, aslida suratga olish uchun kelganimni unutib qo‘ydim… Hayot qachon avvalgidek o‘z holiga qaytadi? – deydi suratkash. – Sizlardan bir narsani iltimos qilsam maylimi, uyda yoshi ulug‘ bobo va buvingiz bo‘lsa, ular bilan suhbatlashishni ko‘paytiring. Sababi ular bilan qayta suhbatlashish kafolati yo‘q, nima bo‘lganda ham ular uchun sabr qiling”.
Shuningdek, Brendan sog‘liqni saqlash uchun old qatorda turgan tibbiyot xodimlariga o‘z minnatdorligini bildirdi va ularning mehnatini olqishladi.
Yangi Janubiy Uelsda qariyalar uyida yashovchilarni ko‘rishga tashrif buyuruvchilar bilan o‘tkaziladigan vaqt cheklangan. Bir vaqtning o‘zida faqat ikki mehmonni qabul qilishlari mumkin.
Izoh (0)