Ukrainaning Xarkov viloyatida An-26 samolyoti falokatga uchrashi oqibatida 25 kishi halok bo‘lgani xabar qilingandi. Ushbu falokat qurbonlari soni 26 nafarga yetdi, deya xabar bermoqda “Interfaks”.
“26-sentabr soat 10:50 holatiga ko‘ra, aviahalokat natijasida kasalxonada og‘ir ahvolda bo‘lgan odam vafot etdi”, – deyiladi Ukraina davlat favqulodda vaziyatlar xizmati matbuot xizmati xabarida.
Shunday qilib, aviahalokat qurbonlari soni 26 kishiga yetgan.
Bortda jami 27 kishi bo‘lgan. Yana bir odam kasalxonada qolmoqda. U Xarkov milliy havo kuchlari universitetining uchinchi kurs talabasi ekani aytilmoqda. Yarador kursant tez orada kasalxonadan chiqarilishi mumkin.
“Hayotiga xavf yo‘q, dorilar yetarli. Uning ahvoli barqaror. O‘ylaymanki, yaqin kunlarda kursantni sog‘lig‘i sababli navbatdagi ta’tilga chiqarish masalasini ko‘rib chiqamiz”, – deydi Shimoliy viloyat harbiy tibbiy klinik markazi (Xarkov harbiy kasalxonasi) rahbari Eduard Xoroshun.
Eslatib o‘tamiz, Ukraina Harbiy-havo kuchlarining An-26 samolyoti 26-sentabr kuni tunda Chuguyev aeroportiga qo‘nayotganda qulab tushdi. U o‘quv parvozini amalga oshirayotgan bo‘lgan. Samolyot bortida Kojedub nomidagi Ukraina Harbiy-havo kuchlari Xarkov universitetining 20 nafar kursanti va yetti nafar zobiti bo‘lgan.
26-sentabr kuni Ukraina mudofaa vaziri Andrey Taran halokatga uchragan An-26 samolyoti qanoti bilan yerga qulagan bo‘lishi mumkinligini aytdi. Ta’kidlanishicha, 26-sentabr Xarkov viloyatida halok bo‘lganlar xotirasida Motam kuni deb e’lon qilingan.
Avvalroq Rossiyada Su-30 qiruvchi samolyoti halokatga uchragani xabar qilingandi.
Mavzuga doir:
Izoh (0)