Sobiq aktrisa, hozirda esa ikki farzandning onasi bo‘lgan Megan Markl qirollik saroyiga kelin bo‘lishidan avval ham sog‘lom turmush tarziga rioya qilib kelgan. U tanani chiniqtirish, to‘g‘ri ovqatlanish orqali go‘zallik va salomatlikka alohida e’tibor berib kelgan. Quyida uning ham jismonan, ham ruhan salomat bo‘lishiga yordam bergan 15 ta odati haqida ma’lumot beriladi.
Uy sharoitida yengil gazaklar tayyorlash
Megan haftasiga kamida bir marta karri ziravori bilan qovurilgan gulkaram va no‘xatdan yengil taom tayyorlagan. Bu taomni u ba’zan salatga qo‘shgan, ba’zan esa asosiy ovqatga garnir sifatida foydalangan.
Uyda doim foydali tamaddi uchun turli mahsulotlar saqlash
Meganning muzlatgichida doimiy ravishda sabzi, xumus, ko‘katli sharbat, bodom suti va chia urug‘laridan tayyorlangan uy sharoitidagi pudingni topish mumkin.
Tezpishar taomlardan o‘zni tiyish
Fastfud mahsulotlari Megan ratsionidan butkul chiqarib tashlangan.
“Oxirgi marta fastfud kafesiga qachon kirganimni eslay olmayman”, degan u.
- Foydali mahsulotlardan nonushta tayyorlash
Ba’zan Megan kunini issiq limonli suv bilan boshlaydi. Nonushtaga esa suli bo‘tqasi, banan va agava siropi qo‘shilgan yengil taomni iste’mol qiladi.
Haftada besh kun vegetarian bo‘lish
“Favqulodda holat” seriali suratga olinayotgan vaqtda Megan dushanbadan jumagacha faqat o‘simlik mahsulotlarini iste’mol qilgan. U haftasiga besh kun davomida hayvon mahsulotlaridan butunlay voz kechgan va go‘sht, sut, tuxum kabi mahsulotlar ratsiondan chiqarilgan. Dam olish kunlari esa go‘shtli mahsulotlar iste’mol qilgan.
Kechki ovqat oqsilga boy bo‘lishi
Garchi ish kunlari vegetarian taomlanish qoidalariga amal qilgan bo‘lsa-da, Megan kechki ovqat uchun dengiz mahsulotlarini afzal ko‘rgan.
Tez-tez suv ichish
Megan doimiy suv ichish teri holati va umumiy tana salomatligi uchun foydali, deb hisoblaydi.
Mashq qilishdan oldingi kayfiyat emas, keyingi holatini eslab harakat qilish
Megan ham hammamiz kabi ba’zida sport bilan shug‘ullanishga hafsala qilmagan, lekin natijani ko‘rish unga ilhom bergan:
“Jismoniy mashqlardan keyin o‘zimni juda yaxshi his qilaman. Bu o‘ziga xos eyforiyaga o‘xshaydi”, degan u.
Shaxsiy murabbiy bilan muntazam shug‘ullanish
“Favqulodda hodisa” serialini suratga olish davrida Megan haftasiga 3–4 marta, har biri 45 daqiqalik mashg‘ulotlarni shaxsiy murabbiy bilan o‘tkazgan. Bunday usul unga tartib-intizomga o‘rganishiga yordam bergan.
Vaqtni behuda sarflamaslik
Megan mashqlarni odatda tongda bajarib, shundan so‘ng kunlik ishlariga o‘tgan. Bu usul unga tanaffus qilmasdan faol rejimda yashash imkonini bergan.
To‘g‘ri va bukchaymay yurishga alohida e’tibor berish
Meganning sport mashg‘ulotlaridan bel, son va yelka mushaklarini mustahkamlovchi mashqlar o‘rin olgan. Ular nafaqat chiroyli qomat, balki to‘g‘ri holatda yurish uchun ham muhim bo‘lgan.
Kuch ishlatiladigan mashqlar
Megan 2,5 dan 5 kilogrammgacha bo‘lgan toshlar bilan 20–25 marta takrorlanadigan mashqlar bajargan. Bu mushak massasini kuchaytirishga yordam bergan
13. Yoga bilan shug‘ullanish
Megan bolaligidan yogaga mehr qo‘ygan, bunga uning onasi sabab bo‘lgan. Doria Radlan xonim yoga instruktori bo‘lgan.
“Yoga menga qon bilan o‘tgan. Bu men uchun oddiy jismoniy mashq emas, balki hayot tarzidir”, deydi Megan.
Pilates mashg‘ulotlari
Markl “Megaformer” deb nomlangan maxsus trenajyorda 55 daqiqalik mashg‘ulotlarni bajargan.
“Bu mashg‘ulotlar juda samarali. Atigi ikki darsdan keyin tanadagi o‘zgarish yaqqol seziladi”, deydi Megan.
Sog‘lom turmush tarziga amal qiladiganlar bilan muloqot qilish
Megan biror narsaga amal qilish uchun siz istagan odamlar bor muhitga tushish kerakligini yaxshi bilgan:
“Atrofingizda o‘z salomatligini qadrlaydigan odamlarni to‘plashingiz muhim”, degan edi u.
Izoh (0)