Yangi Zelandiyada avtobusda sayohat qilayotgan ayolning chamadonidan ikki yoshli qizcha topildi. Bu haqda mahalliy politsiyaga tayanib, BBC xabar berdi.
Hodisa 3-avgust kuni Kaivaka qishlog‘idagi avtobus bekatida yuz bergan. Avtobusdagi yo‘lovchilardan biri yukxona bo‘limini ochishni so‘ragan. Haydovchi shu payt chamadon harakatlanayotganini payqagan. Voqea joyiga politsiya xodimlari chaqirilgan.
Haydovchi chamadonning qimirlab turganini sezib, xavotirga tushgan. Chamadonni ochganda, unda ikki yoshli qizcha borligi aniqlangan, dedi Yangi Zelandiya politsiyasi.
27 yoshli ayol hibsga olingan, u bolaga nisbatan shafqatsizlik va e’tiborsizlikda ayblanmoqda. Qizcha zudlik bilan shifoxonaga olib ketilgan, u tibbiy ko‘rikdan o‘tkazilmoqda. Politsiya ayol va bola o‘rtasidagi qarindoshlik yoki aloqalar haqida ma’lumot bermagan.
Avtobus haydovchisi holatni o‘z vaqtida ilg‘ab, tezkor harakat qilgani bilan ehtimoliy og‘ir oqibatlarning oldini oldi. Biz unga minnatdorlik bildiramiz, deyiladi politsiya bayonotida.
Izoh (0)