Sabzavotlar bilan to‘yingan bu taomni oshxonangizdagi bor mahsulotdan tayyorlashingiz mumkin. Xohishingizga qarab har xil sabzavot qo‘shish imkoniyatiga ham egasiz.
Kerakli mahsulotlar:
- 1 dona tovuq;
- 300 gr kartoshka;
- 4 dona sarimsoq piyoz;
- 2 bosh qizil piyoz;
- 4 dona pomidor;
- 1 dona bulg‘or qalampiri;
- 3 osh qoshiq zaytun yog‘i;
- Ta’bga ko‘ra tuz, mayda qora qalampir.
- Kartoshka, pomidor, bulg‘or qalampiri va qolgan sabzavotlarni ikki bo‘lakka kesasiz. Xohishingizga qarab kichkina bo‘laklarga ham bo‘lishingiz mumkin. Hatto bitta achchiq qalampir ham qo‘shsangiz bo‘ladi;
- Sabzavotlarni katta idishga joylashtiring. Zaytun yog‘i, tuz va qalampir qo‘shing. Yaxshilab aralashtirgach, bir muddat qoldiring (tovuq tayyor bo‘lguncha);
- Tovuqni bo‘laklarga bo‘ling. Tuz va qalampir seping. Tovada oltin jigarrang bo‘lguncha qovuring;
- Pechni 180 daraja qizdiring. Sabzavotlarni katta qovuriladigan yoki pech idishiga joylashtiring. Tovuq bo‘laklarini ustiga terib, taxminan, 40-50 daqiqa davomida pishiring;
- Taomni barra ko‘katlar bilan bezating.
Izoh (0)