2020-yilning ikkinchi choragida Rossiya chegaralari pandemiya tufayli yopilgan vaqtda mamlakatga yarim million chet ellik kirib keldi. Bu haqda Rossiya Federal xavfsizlik xizmati chegara xizmati statistikasiga tayanib “RBK” xabar bermoqda.
Qayd etilishicha, 2020-yilning aprel—iyun oylarida Rossiyaga 509 ming nafar chet el fuqarosi kirib kelgan. Ularning uchdan ikki qismi Qozog‘iston, Ukraina, Belarus, O‘zbekiston va Filippin fuqarolari bo‘lgan. Rossiyaga tashruf buyuruvchilar soni o‘tgan yilning shu davriga nisbatan 17 baravarga kamaygan. 2019-yilda bu ko‘rsatkich qariyb 8,7 million kishini tashkil qilgan.
Pandemiya payti mamlakatga kelgan kishilarning 438 nafari chegarada o‘zlarini transport vositalari xizmatchilari deb tanishtirgan. 55 ming nafari shaxsiy maqsadlarda, 12 ming nafari esa ish yuzasidan kelganini aytgan. Ularning birortasi sayyohlik maqsadida kelmagan.
Rossiyaga doimiy yashash maqsadida qariyb 1400 kishi kelgan. Bir yil avval ular soni atigi 171 kishini tashkil qilgan.
2020-yilning aprel—may oylarida rossiyaliklarning qariyb 442 ming nafari boshqa mamlakatlarga ketgan. Ularning yarmidan ko‘pi Finlandiya, Qozog‘iston, Ukraina, Xitoy va Abxaziyaga ketgan. Ta’kidlanishicha, mamlakatdan chiqib ketuvchilar oqimi 27 baravar kamaygan. 2019-yilning ikkinchi choragida Rossiya fuqarolarining 12,8 million nafardan ortig‘i mamlakatni tark etgan.
Rossiyadan chiqib ketganlarning aksariyati mamlakatga kirib kelgan chet elliklar kabi transport vositalari xizmatchilari bo‘lgan.
Eslatib o‘tamiz, Rossiya xalqaro aviqatnovlarni 27-martdan boshlab to‘xtatdi. 30-martdan boshlab dengiz va quruqlik chegalari ham yopilgan. Shundan buyon ular qisman ochilgan xolos. Xususan, 6-iyundan ishga, o‘qishga, davolanishga va qarindoshlari holidan xabar olish uchun ketadiganlarga mamlakatdan chiqishga ruxsat berildi. Shuningdek, xorijliklarga Rossiyaga davolanish va yaqin qarindoshlariga qarash uchun kirishi mumkin bo‘ldi.
Izoh (0)