O‘zbekistonda 2020-yil 19-iyul soat 23:30 holatiga ko‘ra, yana 145 kishida koronavirus infeksiyasi aniqlandi va kasallanganlarning umumiy soni 16 752 nafarga yetdi. Bu haqda Sog‘liqni saqlash vazirligi xabar qilgan.
Yangi kasallanish holatlarining
- 77 tasi Toshkent shahrida tana harorati ko‘tarilganligi tufayli profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida;
- 29 tasi Andijon viloyatida;
- 26 tasi Sirdaryo viloyatida;
- 13 tasi Toshkent viloyatida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shuningdek, 19-iyul kunda davomida Toshkent shahridagi tibbiyot muassasalarida 108 nafar, Sirdaryo viloyatida 16 nafar, Qashqadaryo viloyatida 14 nafar, Andijon viloyatida 11 nafar, Qoraqalpog‘istonda 2 nafar hamda Farg‘ona viloyatida 1 nafar, jami 152 nafar bemor koronavirusdan tuzalgan.
Sog‘ayganlarning umumiy soni 9279 nafarni (55 foiz) tashkil etmoqda. 7386 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda, deyiladi xabarda.
O‘zbekistonda epidemiya boshlanganidan buyon SSV statistikasiga ko‘ra 87 nafar, “Daryo” hisob-kitobi (davlat hokimiyati va boshqaruvi organlari, mahalliy hokimlik organlari tomonidan rasman ma’lum qilingan xabarlarga asoslangan) bo‘yicha esa 90 nafar koronavirusga chalingan bemor vafot etgan.
Izoh (0)