Toshkentning Sergeli tumanida joylashgan Yangi Choshtepa dahasida olib borilayotgan qurilish ishlari hududida quruvchilar o‘rtasida ommaviy mushtlashuv sodir bo‘ldi. Bu haqda Toshkent shahar IIBB axborot xizmati xabar berdi.
Ma’lumotlarga ko‘ra, janjal 16-iyul kuni soat 19:09 larda 28 yoshli qashqadaryolik O‘.M. va andijonlik 30 yoshli M.K. o‘rtasida qurilish asboblari sababli yuzaga kelgan. Shundan so‘ng janjalga boshqa ishchilar ham qo‘shilgan.
“Hozirgi vaqtda ularning shaxslari aniqlanmoqda. Kelishmovchilik natijasida hech kimga tan jarohati yetmagan. Shu bilan birga, hodisa tafsilotlarini aniqlash uchun Sergeli tumani IIO FMB tomonidan tergovoldi tekshiruvi o‘tkazilmoqda. Tekshiruv natijasiga ko‘ra, hodisaning barcha ishtirokchilarining xatti-harakatlariga huquqiy baho beriladi. Qurilish obyekti ishchilari bilan profilaktik suhbat o‘tkazildi”, — deyiladi xabarda.
Mavzuga doir:
- Rossiyaning Amur viloyatidagi gazni qayta ishlash zavodida norozilik bildirgan o‘zbekistonlik ishchilarga moddiy ko‘mak taklif qilindi
- Video: Jizzaxdagi futbol uchrashuvi vaqtida yuz bergan ommaviy mushtlashuv
- Samarqanddagi qurilishda yuz bergan ommaviy mushtlashuvda 3 nafar Turkiya fuqarosi jarohat oldi (video)
Izoh (0)