O‘zbekiston Prezidentining 2020-yil 16-iyuldagi PF-6028 sonli farmoni bilan Amrillo Inoyatov yangi lavozimga tayinlandi, deb xabar beradi O‘zA.
Ta’kidlanishicha, Amrillo Inoyatov O‘zbekiston Prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimiga tayinlangan.
Bunga qadar Amrillo Inoyatov Buxoro davlat tibbiyot instituti rektori lavozimida ishlab kelayotgan edi.
Eslatib o‘tamiz, Shavkat Mirziyoyevning 10-iyuldagi qarori bilan Alisher Sa’dullayev yangi tashkil etilgan Prezident huzuridagi Yoshlar ishlari agentligi direktori lavozimiga tayinlangan edi. Shu munosabat bilan Alisher Sa’dullayev Prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisining birinchi o‘rinbosari lavozimidan ozod etilgan.
Izoh (0)