Ўзбекистон Президентининг 2020 йил 16 июлдаги ПФ-6028 сонли фармони билан Амрилло Иноятов янги лавозимга тайинланди, деб хабар беради ЎзА.
Таъкидланишича, Амрилло Иноятов Ўзбекистон Президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимига тайинланган.
Бунга қадар Амрилло Иноятов Бухоро давлат тиббиёт институти ректори лавозимида ишлаб келаётган эди.
Эслатиб ўтамиз, Шавкат Мирзиёевнинг 10 июлдаги қарори билан Алишер Саъдуллаев янги ташкил этилган Президент ҳузуридаги Ёшлар ишлари агентлиги директори лавозимига тайинланган эди. Шу муносабат билан Алишер Саъдуллаев Президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчисининг биринчи ўринбосари лавозимидан озод этилган.
Изоҳ (0)