Garvard universiteti va Massachusets texnologiyalar instituti AQSh prezidenti administratsiyasining kuzda darslar to‘liq onlayn o‘tkaziladigan bo‘lsa, xorijlik talabalarning mamlakatga kirishini taqiqlash to‘g‘risidagi qarori yuzasidan Boston okrug sudiga shikoyat qildi, deb yozadi The Wall Street Journal.
Da’vo arizasida keltirilishicha, AQSh Immigratsiya va bojxona nazorati xizmatining qarori universitetlar bahorda olgan tavsiyalarga zid kelmoqda. Bundan tashqari, “o‘zboshimcha va injiq” qaror oliy ta’lim muassasalarini ogohlantirmasdan qabul qilingan.
Da’voga ko‘ra, yangi qoidalarni xorijlik talabalarga nisbatan qo‘llashga sud taqiqini o‘rnatishni nazarda tutilgan.
AQSh hukumatining qaroriga ko‘ra, kuzgi semestrdan boshlab masofaviy dasr o‘tish rejimi amalga tatbiq etilsa, mamlakatga F-1 va M-1 vizasi bilan kelgan talabalar mamlakatni tark etishi yoki boshqa ta’lim muassasiga o‘qishini ko‘chirishi kerak.
Avvalroq AQSh prezidenti Donald Tramp muhojirlarning bir qator viza turi bo‘yicha yuqori malakali ishchilarning mamlakatga kirishini vaqtincha cheklash to‘g‘risidagi hujjatni imzolagan edi. Ushbu harakat ishsiz amerikaliklar uchun ish joylarini tejashga qaratilgan.
Eslatib o‘tamiz, mart oyining o‘rtalarida AQShda COVID-19 koronavirusining tarqalishi sabab Yevropa mamlakatlaridan keluvchilar uchun 30 kunga vaqtinchalik taqiq o‘rnatilgan edi. Aprel oyining oxirlarida esa Tramp immigrantlarning AQShga kirishi ikki oyga to‘xtatilganini ma’lum qilgan edi.
Izoh (0)