Bugun,

  • USD 11095.31
  • RUB 173.84
  • EUR 10772.44

AQShda yangi turdagi COVID-19 koronavirusining tarqalishi sabab Yevropa mamlakatlaridan keluvchilar uchun 30 kunga vaqtinchalik taqiq o‘rnatildi. Taqiq Buyuk Britaniya uchun istisno qilinadi. Bu haqda AQSh prezidenti Donald Trampga tayanib, CNN xabar berdi.

Foto: AP Photo

Foto: AP Photo

“Yangi tartib-qoidalar 13-mart kuni yarim tundan kuchga kiradi”, — deydi Tramp.

Amerika yetakchisining so‘zlariga ko‘ra, shuningdek, koronavirusni aniqlash uchun kerakli testlarni topshirgan AQSh fuqarolari uchun ham istisno taalluqli.

Trampning ta’kidlashicha, mazkur taqiq Yevropa ittifoqi infeksiya tarqalishining oldini olish uchun Qo‘shma Shtatlar joriy etgan “xavfsizlik choralarini ko‘ra olmagani”ga bog‘liq.

AQSh prezidentining qo‘shimcha qilishicha, hukumat koronavirusdan zarar ko‘rgan kompaniyalarga moliyaviy yordam ko‘rsatadi. Uning so‘zlariga ko‘ra, korxonalarga kam foizli zayomlar taqdim etiladi, bu esa “virus oqibatida yuzaga kelgan iqtisodiy qiyinchiliklarni yengib o‘tishga” yordam beradi.

Bundan tashqari, Tramp yaqin vaqtlar ichida infeksiyaga chalingan, karantin holatida bo‘lgan yoki boshqa bemorlarga g‘amxo‘rlik qilayotgan fuqarolarga moliyaviy imtiyozlar berish uchun “misli ko‘rilmagan” choralarini ko‘rishga va’da berdi.

12-mart kuni AQSh poytaxti Vashingtonda koronavirus sabab favqulodda holat rejimi e’lon qilindi. Ushbu rejim 15 kun amalda bo‘ladi. Bu karantin belgilash, narxlarni oshirishga uringan chayqovchilarni jazolash huquqini beradi.

Avvalroq Pentagon rahbari koronavirus tufayli O‘zbekistonga tashrifini bekor qilgani haqida xabar berilgandi. Jahon sog‘liqni saqlash tashkiloti rahbari Tedros Gebreyesus koronavirus bilan bog‘liq holat pandemiya sifatida tavsiflanishi mumkinligini ma’lum qilgan.

Izoh
Asosiy yangiliklar
Mahalliy
“Yuksalish” harakati diniy materiallar tarqatganlik ayblovi bilan javobgarlikka tortilish holatlari uchrayotganiga munosabat bildirdi
Dunyo
Hindistonda poyezdlar to‘qnashuvi qurbonlari soni 230 kishidan oshdi (foto)
Dunyo
Zelenskiy Rossiyaga sanksiyalarni chetlab o‘tishda yordam berayotgan davlatlarga qarshi ochiq kurash olib borishga va’da berdi