Гарвард университети ва Массачусетс технологиялар институти АҚШ президенти администрациясининг кузда дарслар тўлиқ онлайн ўтказиладиган бўлса, хорижлик талабаларнинг мамлакатга киришини тақиқлаш тўғрисидаги қарори юзасидан Бостон округ судига шикоят қилди, деб ёзади The Wall Street Journal.
Даъво аризасида келтирилишича, АҚШ Иммиграция ва божхона назорати хизматининг қарори университетлар баҳорда олган тавсияларга зид келмоқда. Бундан ташқари, «ўзбошимча ва инжиқ» қарор олий таълим муассасаларини огоҳлантирмасдан қабул қилинган.
Даъвога кўра, янги қоидаларни хорижлик талабаларга нисбатан қўллашга суд тақиқини ўрнатишни назарда тутилган.
АҚШ ҳукуматининг қарорига кўра, кузги семестрдан бошлаб масофавий даср ўтиш режими амалга татбиқ этилса, мамлакатга F-1 ва М-1 визаси билан келган талабалар мамлакатни тарк этиши ёки бошқа таълим муассасига ўқишини кўчириши керак.
Аввалроқ АҚШ президенти Дональд Трамп муҳожирларнинг бир қатор виза тури бўйича юқори малакали ишчиларнинг мамлакатга киришини вақтинча чеклаш тўғрисидаги ҳужжатни имзолаган эди. Ушбу ҳаракат ишсиз америкаликлар учун иш жойларини тежашга қаратилган.
Эслатиб ўтамиз, март ойининг ўрталарида АҚШда COVID-19 коронавирусининг тарқалиши сабаб Европа мамлакатларидан келувчилар учун 30 кунга вақтинчалик тақиқ ўрнатилган эди. Апрель ойининг охирларида эса Трамп иммигрантларнинг АҚШга кириши икки ойга тўхтатилганини маълум қилган эди.
Изоҳ (0)