Oilasi bir necha soat avval bedarak yo‘qolganini e’lon qilgan Seul shahri meri Pak Von Sun shaharning shimoliy qismida o‘lik holda topildi. Bu haqda Yonhap agentligi politsiya ma’lumotiga tayanib xabar qilgan.
Merning yo‘qolgani haqida uning qizi politsiyaga xabar bergan, Pak Von Sun uydan chiqqanidan keyin mobil telefonini o‘chirib qo‘ygan va oila a’zolariga bu ishni o‘z xohishi bilan qilayotgani haqida xabarnoma yuborgan.
Pak Von Sun Seulni 2011-yildan beri boshqargan va Janubiy Koreyaning eng taniqli siyosatchilaridan biri hisoblanardi. U 2022-yilda bo‘lib o‘tadigan prezidentlik saylovlarida liberallar tomonidan nomzod sifatida ko‘rsatilishi mumkinligi taxmin qilinayotgandi.
Avval Xitoyning CGTN nashri Pak Von Sunning vafot etgani haqida xabar bergan. Biroq Janubiy Koreya politsiyasi merning o‘lik holda topilgani haqidagi xabarni rad etgan.
2020-yil 17-mayda Xitoyning Isroildagi elchisi Du Vey Tel-Aviv shimolidagi Gertsl shahrida o‘z rezidensiyasida o‘lik holda topilgani xabar qilingandi.
Izoh (0)