Xitoyda o‘tgan bir sutka ichida koronavirus bilan kasallanish bo‘yicha 9 ta va kasallik belgisiz o‘tayotgan 7 ta holat aniqlandi, bemorlarning 10 nafari sog‘aydi, vafot etish holatlari qayd etilmadi. Bu haqda Xitoy Sog‘liqni saqlash milliy komissiyasi xabar berdi.
Bir kun avval koronavirus bilan kasallanish bo‘yicha 3 ta va kasallik belgisiz o‘tayotgan 4 ta holat aniqlangandi.
Mamlakatda umumiy hisobda 83 553 kishi koronavirusga chalingan, ularning 78 515 nafari sog‘aygan, 4634 nafar bemor COVID-19 qurboniga aylangan. COVID-19 bilan kasallanganlar bilan yaqin aloqada bo‘lgan 4201 kishi hamon tibbiyot xodimlari nazorati ostida qolmoqda.
Janubiy Koreyada Jons Hopkins universiteti ma’lumotlariga ko‘ra, sutka davomida 61 kishi koronavirusga chalingani qayd etilib, kasallanganlarning umumiy soni 13 091 nafarga yetdi.Kasallikka chalinish bo‘yicha yangi holatlarning 43 tasi mamlakat ichida qayd etilgan bo‘lsa, qolganlar chetdan kirib kelganlarda aniqlangan.
Sutka davomida 21 kishi sog‘ayib, tuzalganlarning umumiy soni 11 832 nafarga yetdi. Kasallik qurbonlari soni 283 nafarni tashkil etmoqda.
KCDC ma’lumotlariga ko‘ra, Janubiy Koreya 1-iyuldan boshlab remdesivir dori vositasini sotib olishni boshladi. Remdesivir Yevropa Ittifoqida ruxsat olish uchun tavsiya qilingan koronavirusga qarshi ilk dori vositasi hisoblanadi. Bu dori vositasi og‘ir ahvoldagi bemorlarni davolashda qo‘llaniladi.
Izoh (0)