Braziliya prezidenti Jair Bolsonaru jamoat joylarida va jamoat transportida niqob taqib yurish majburiy etib belgilangan qonunga veto qo‘ydi, deb xabar bermoqda “RIA Novosti” G1’ga tayanib.
Tashkilotlar xodimlar va mijozlarni niqoblar bilan bepul ta’minlashga majbur emas.
Jons Hopkins universiteti ma’lumotlariga ko‘ra, Braziliyada epidemiya boshlanganidan buyon 1,5 milliondan ortiq kishi koronavirusga chalingan, ulardan 987 mingdan ortig‘i sog‘aygan, 61 884 kishi vafot etgan.
Eslatib o‘tamiz, Braziliya 19-may kuni koronavirus bilan kasallanganlar soni bo‘yicha Britaniyadan o‘zib ketib, dunyoda 3-o‘ringa chiqib olgan bo‘lsa, 23-may kuni Rossiyadan o‘tib, 2-o‘ringa ko‘tarilgandi. Mamlakat Sog‘liqni saqlash vazirligi 5-iyundan Braziliyadagi koronavirusga oid muhim statistikani e’lon qilishni to‘xtatib qo‘ygan.
Avvalroq Jair Bolsonaru AQSh kabi yo‘l tutib, Jahon sog‘liqni saqlash tashkilotidan chiqib ketishini ma’lum qilgandi.
Izoh (0)