O‘zbekiston oliy ta’lim muassasalariga kirish uchun xotin-qizlarga ajratiladigan to‘rt foizli qo‘shimcha grant o‘rinlarning hududlar kesimidagi taqsimoti belgilandi. Bu haqda Davlat test markazi xabar berdi.
Oliy ta’lim muassasalariga qabul bo‘yicha davlat komissiyasining 1-son bayoni bilan 2020/2021-o‘quv yili uchun xotin-qizlarga ajratilgan to‘rt foizli qo‘shimcha davlat granti uchun respublika bo‘yicha jami 940 ta joy ajratilgan.
Viloyatlar kesimida o‘rinlar quyidagicha taqsimlangan:
- Qoraqalpog‘iston Respublikasi — 51 ta;
- Andijon viloyati — 85 ta;
- Buxoro viloyati — 53 ta;
- Jizzax viloyati — 36 ta;
- Qashqadaryo viloyati — 88 ta;
- Navoiy viloyati — 28 ta;
- Namangan viloyati — 75 ta;
- Samarqand viloyati — 104 ta;
- Surxondaryo viloyati — 71 ta;
- Sirdaryo viloyati — 49 ta;
- Toshkent viloyati — 80 ta;
- Farg‘ona viloyati — 100 ta;
- Xorazm viloyati — 50 ta;
- Toshkent shahar — 70 ta.
Avvalroq mazkur qo‘shimcha grant o‘rinlariga da’vogarlik qilish uchun qaysi toifadagi xotin-qizlarga tavsiyanomalar berilishi va uning tartibi ma’lum qilingandi.
Izoh (0)