Ўзбекистон олий таълим муассасаларига кириш учун хотин-қизларга ажратиладиган тўрт фоизли қўшимча грант ўринларнинг ҳудудлар кесимидаги тақсимоти белгиланди. Бу ҳақда Давлат тест маркази хабар берди.
Олий таълим муассасаларига қабул бўйича давлат комиссиясининг 1-сон баёни билан 2020/2021-ўқув йили учун хотин-қизларга ажратилган тўрт фоизли қўшимча давлат гранти учун республика бўйича жами 940 та жой ажратилган.
Вилоятлар кесимида ўринлар қуйидагича тақсимланган:
- Қорақалпоғистон Республикаси — 51 та;
- Андижон вилояти — 85 та;
- Бухоро вилояти — 53 та;
- Жиззах вилояти — 36 та;
- Қашқадарё вилояти — 88 та;
- Навоий вилояти — 28 та;
- Наманган вилояти — 75 та;
- Самарқанд вилояти — 104 та;
- Сурхондарё вилояти — 71 та;
- Сирдарё вилояти — 49 та;
- Тошкент вилояти — 80 та;
- Фарғона вилояти — 100 та;
- Хоразм вилояти — 50 та;
- Тошкент шаҳар — 70 та.
Аввалроқ мазкур қўшимча грант ўринларига даъвогарлик қилиш учун қайси тоифадаги хотин-қизларга тавсияномалар берилиши ва унинг тартиби маълум қилинганди.
Изоҳ (0)