Davlat komissiyasining 1-sonli bayoniga muvofiq, koronavirus pandemiyasiga qarshi kurashish tadbirlarini inobatga olgan holda 2020/2021-o‘quv yili qabulida test sinovlari qoida tariqasida bir kunda ikki yoki uch smenada o‘tkaziladi. Bu haqda Oliy va o‘rta maxsus ta’lim vazirligining matbuot xizmati xabar qildi.
“Bunda har bir abituriyent uchun binolarda 3 kvadrat metrdan kam bo‘lmagan joy ajratiladi”, — deyiladi vazirlik xabarida.
Shuningdek, koronavirus pandemiyasi sharoitida sanitariya normalari talablaridan kelib chiqib, imtihonlarda abituriyentlarning ota-onalari va ularning yaqinlari uchun alohida kutish (to‘planish) joylari tashkil qilinmasligi belgilab qo‘yilgan.
Mavzuga doir: O‘zbekistonda abituriyentlarga test imtihonlari o‘tkaziladigan manzillar joylashuvini ko‘rsatadigan ilova ishlab chiqildi
Izoh (0)