Давлат комиссиясининг 1-сонли баёнига мувофиқ, коронавирус пандемиясига қарши курашиш тадбирларини инобатга олган ҳолда 2020/2021-ўқув йили қабулида тест синовлари қоида тариқасида бир кунда икки ёки уч сменада ўтказилади. Бу ҳақда Олий ва ўрта махсус таълим вазирлигининг матбуот хизмати хабар қилди.
«Бунда ҳар бир абитуриент учун биноларда 3 квадрат метрдан кам бўлмаган жой ажратилади», — дейилади вазирлик хабарида.
Шунингдек, коронавирус пандемияси шароитида санитария нормалари талабларидан келиб чиқиб, имтиҳонларда абитуриентларнинг ота-оналари ва уларнинг яқинлари учун алоҳида кутиш (тўпланиш) жойлари ташкил қилинмаслиги белгилаб қўйилган.
Мавзуга доир: Ўзбекистонда абитуриентларга тест имтиҳонлари ўтказиладиган манзиллар жойлашувини кўрсатадиган илова ишлаб чиқилди
Изоҳ (0)