23-iyun kuni Samarqand viloyati Kattaqo‘rg‘on shahrida kuchli shamol kuzatildi. Bu haqda Kattaqo‘rg‘on shahar hokimligi axborot xizmatiga asoslanib Zarnews xabar bermoqda.
Shamol tufayli hududdagi iqtisodiyot kolleji sport zalining tom qismi qattiq shikastlangan. Shahardagi boshqa obyektlar ham shamoldan zarar ko‘rgan.
Xabarga ko‘ra, shahar hokimi Gavhar Alimova va boshqa mutasaddilar shamoldan ziyon ko‘rgan obyektlarni ko‘zdan kechirmoqda.
Jarohatlanganlar va talafot yetgan binolarning soni haqida ma’lumot berilmagan.
Izoh (0)