O‘zbekistonda abituriyentlar uchun test sinovlari karantin qoidalariga qat’iy rioya etilgan holda o‘tkaziladi

O‘zbekistonda abituriyentlar uchun test sinovlarini o‘tkazish karantin, sanitariya-gigiyena talablariga qat’iy rioya etilgan holda amalga oshiriladi.

Bunda:

• abituriyentlarni binoga kiritishda tana harorati o‘lchanadi hamda niqob va rezina qo‘lqoplari bilan ta’minlanadi;
• test sinovlari o‘tkaziladigan bino hududi va ichki qismida kuniga 4 marta dezinfeksiya ishlari amalga oshiriladi.

Shuningdek, test sinovlari har bir abituriyentga kamida 3 kvadrat metr o‘lchamda joy ajratilgan holda sig‘imi 650-700 kishidan oshmagan binolarda o‘tkaziladi.

Test sinovlari 2019-yilda o‘tkazilgan 64 ta binodan foydalangan holda, kunlik uch smenada o‘tkaziladi. Bunda, bir smenada 24 654 (2019-yilda 35 220) nafar, kunlik 73 962 (2019-yilda 70 440) nafargacha abituriyent test sinovlarini topshirishi mumkin bo‘ladi.

OTMlarga hujjat 15-iyundan 15-iyulgacha qabul qilinadi. Hujjatlar 2 xil usul bilan topshirilishi mumkin:

1.  DTM sayti orqali;
2.  my.gov.uz portali orqali.

Talab qilinadigan hujjatlar:

(avvalgi yillardagi bitiruvchilar uchun)

• pasport;
• diplom;
• til bilishi sertifikati;
• imtiyozi mavjud bo‘lganda, imtiyozni tasdiqlovchi hujjatlar.

(joriy yil bitiruvchilari uchun)

• pasport;
• bitiruv attestati (qabul qiluvchilar tomonidan bazadan elektron tarzda olinadi).

Xalq ta’limi vaziri Sherzod Shermatov ma’lum qilishicha, bitiruvchilar attestat olishi shart emas. XTV bazasidagi ma’lumot DTM bazasiga o‘tkaziladi. Buning uchun abituriyentning pasport ma’lumotlari yetarli. Zarur holatlardagina maktablarda attestatlarni qog‘oz ko‘rinishida olish mumkin. Elektron skaner ko‘rinishida ham beriladi.