23 июнь куни Самарқанд вилояти Каттақўрғон шаҳрида кучли шамол кузатилди. Бу ҳақда Каттақўрғон шаҳар ҳокимлиги ахборот хизматига асосланиб Zarnews хабар бермоқда.
Шамол туфайли ҳудуддаги иқтисодиёт коллежи спорт залининг том қисми қаттиқ шикастланган. Шаҳардаги бошқа объектлар ҳам шамолдан зарар кўрган.
Хабарга кўра, шаҳар ҳокими Гавҳар Алимова ва бошқа мутасаддилар шамолдан зиён кўрган объектларни кўздан кечирмоқда.
Жароҳатланганлар ва талафот етган биноларнинг сони ҳақида маълумот берилмаган.
Изоҳ (0)