Kogon shahrida katta miqdordagi pulni soxta ma’lumotlar tuzish orqali o‘zlashtirgan va talon-toroj qilgan firma faoliyati fosh etildi. Bu haqda Bosh prokuratura axborot xizmati “Daryo”ga ma’lum qilgan.
Xabarga ko‘ra, Bosh prokuratura huzuridagi departamentning Kogon shahar bo‘limi tomonidan o‘tkazilgan tergovga qadar tekshiruvida “S.Q.” unitar korxonasi sobiq rahbari M.Q. “Sohibkor dehqon bozori” MChJda qurilgan savdo do‘konlari uchun to‘lovlar to‘liq to‘langanligi to‘g‘risida soxta ma’lumotlarni tuzish orqali fuqarolar nomiga savdo do‘koniga egalik qilish huquqini beruvchi hujjatlarni olishga erishib, “S.Q.” manfaatlariga 593,4 million so‘m zarar yetkazganligi aniqlangan.
Mazkur holat yuzasidan M.Q. va boshqalarga nisbatan Jinoyat kodeksining 167-moddasi 3-qismi (O‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Samarqandda deyarli 600 million so‘mlik un mahsulotlari talon-toroj qilingani aniqlandi
- Andijonda 100 mln so‘mdan ortiq pulni o‘zlashtirgan soliqchiga nisbatan jinoyat ishi qo‘zg‘atildi
- Gurlanda 400 mln so‘mlik kredit mablag‘larini o‘zlashtirgan sobiq bank rahbariga nisbatan jinoyat ishi qo‘zg‘atildi
- Farg‘onada bolalar va o‘smirlar sport maktabini ta’mirlashda 150 mln so‘m talon-toroj qilingani aniqlandi
Izoh (0)