O‘zbekistonda koronavirusga chalinganlar soni 32 nafarga ko‘paydi va 10-iyun soat 23:00 holatiga ko‘ra 4623 nafarni tashkil etmoqda. Bu haqda Sog‘liqni saqlash vazirligi xabar bergan.
Yangi kasallanish holatlarining 23 tasi karantin muassasalarida, 9 tasi esa aholi orasida qayd etildi. Hozirda ushbu holatlar bo‘yicha epidemiologik surishtiruv ishlari davom etmoqda, deyiladi vazirlik xabarida.
Avvalroq O‘zbekistonda koronavirusga chalinganlarning umumiy soni 10-iyun soat 17:00 holatiga ko‘ra 4591 nafarga yetgani xabar qilingandi.
Mavzuga doir: Toshkent koronavirusga chalinganlar soni ko‘pligiga qaramay “sariq” hudud bo‘lib qolayotganiga izoh berildi
Izoh (0)