Toshkentdagi “Suzuk ota” majmuasida har yili Ramazon festivalini o‘tkazish yo‘lga qo‘yilishi mumkin. Yangi turizm mahsuloti sifatida talqin qilingan ushbu g‘oya 27-may kuni Prezident Shavkat Mirziyoyevga taqdim qilingan, bu haqda “O‘zbekiston 24” reportajidan ma’lum bo‘ldi.
Reportajda festival qanday o‘tkazilishi borasidagi tafsilotlar ma’lum qilinmagan.
Ma’lumot uchun, so‘nggi yillarda O‘zbekistonda an’anaviy festivallar soni sezilarli oshdi. Samarqanddagi “Sharq taronalari” festivaliga qo‘shimcha ravishda Shahrisabzda Maqom festivali, Termizda Baxchishilik festivali, Qo‘qonda Hunarmandchilik festivali o‘tkazilishi yo‘lga qo‘yildi.
Bundan tashqari, Prezident Shavkat Mirziyoyev Xorazm viloyatida Lazgi festivalini tashkil etishni, Namangan viloyatida “O‘tmishga sayohat” tarixiy festivalini o‘tkazishni, 30-iyul — Xalqaro do‘stlik kuni munosabati bilan “Do‘stlik” xalqaro forum-festivalini uyushtirishni taklif qilgan.
Izoh (0)