Тошкентдаги «Сузук ота» мажмуасида ҳар йили Рамазон фестивалини ўтказиш йўлга қўйилиши мумкин. Янги туризм маҳсулоти сифатида талқин қилинган ушбу ғоя 27 май куни Президент Шавкат Мирзиёевга тақдим қилинган, бу ҳақда «Ўзбекистон 24» репортажидан маълум бўлди.
Репортажда фестиваль қандай ўтказилиши борасидаги тафсилотлар маълум қилинмаган.
Маълумот учун, сўнгги йилларда Ўзбекистонда анъанавий фестиваллар сони сезиларли ошди. Самарқанддаги «Шарқ тароналари» фестивалига қўшимча равишда Шаҳрисабзда Мақом фестивали, Термизда Бахчишилик фестивали, Қўқонда Ҳунармандчилик фестивали ўтказилиши йўлга қўйилди.
Бундан ташқари, Президент Шавкат Мирзиёев Хоразм вилоятида Лазги фестивалини ташкил этишни, Наманган вилоятида «Ўтмишга саёҳат» тарихий фестивалини ўтказишни, 30 июль — Халқаро дўстлик куни муносабати билан «Дўстлик» халқаро форум-фестивалини уюштиришни таклиф қилган.
Изоҳ (0)