26-may holatiga ko‘ra, Toshkent viloyatining Bekobod, Nurafshon, Yangiyo‘l shaharlari hamda Oqqo‘rg‘on, Zangiota, Qibray, Parkent, Yuqori Chirchiq, Yangiyo‘l va Toshkent tumanlari “qizil” hudud sifatida toifalangani xabar qilingan edi. Shu sababli ushbu hududlardagi YHX xizmatlari fuqarolarni qabul qilishni vaqtincha to‘xtatdi, deb xabar beradi “Xabar.uz”.
Toshkent viloyati IIBB YHXB fuqarolardan “qizil” hududlarda qat’iy karantin talablari o‘rnatilganini inobatga olishini, bu talablarga amal qilishini so‘ragan.
Ta’kidlanishicha, “qizil” hududlardagi yo‘l harakati xavfsizligi xizmatlari karantin sababli fuqarolarni qabul qilish ishlarini vaqtinchalik to‘xtatgan.
Haydovchilik guvohnomalarini berish va almashtirish, jarima to‘lash, texnik ko‘rikdan o‘tkazish ishlari karantin talablari bekor qilinguniga qadar amalga oshirilmaydi.
“Hayotingiz va sog‘lig‘ingizni xavf ostiga qo‘yib, ‘qizil’ hududlarga kirmang, uyda qoling”, — deyiladi xabarda.
Avvalroq Toshkent viloyatidagi “qizil”, “sariq” va “yashil” hududlar ro‘yxati yangilangani to‘g‘risida xabar berilgandi.
Izoh (0)